Plantun de Prouvènço

Pèr coumpara dos planto d'encò nostre

Gentianopsis ciliata & Scleranthus annuus

Gentianopsis ciliata

Gentianaceae

Nom en français : Gentiane ciliée.

Descripcioun :
La gencianeto-ciliado que trachis subretout dins li mountagno mejano èi pas di pu coumuno au nostre. Fai de pichòti mato sènso fueio basalo alor que lis autro soun en formo de lanço. Se recounèis à si petalo bluio e ciliado sus li bord d'en bas.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 25 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentianopsis
Famiho : Gentianaceae

Coulour de la flour : Bluio
Petalo : 4
Ø (o loungour) flour : 2 à 2,5 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero roucaiouso - Bos clar - Basso mountagno - Mountagno mejano
Estànci : Subremediterran à Subaupen
Couroulougi : Éurasiatico-Cèntre-Ouèst
Ref. sc. : Gentianopsis ciliata (L.) Ma, 1951 (= Gentianella ciliata (L.) Borkh., 1796 )

Gnavello(-de-l'an)

Scleranthus annuus

Caryophyllaceae

Nom en français : Gnavelle annuelle.

Descripcioun :
Aquelo planto, proun ramificado, se tirasso sus la sablo e lis endré trepeja. Sus si tijo se podon vèire uno à dos bando de péu crespu. Li fueio soun redo e en long. Li flour, verdo, soun pas bèn grosso e fan d'enflourejado agroumelado. La subsp. presentado eici, emé de flour gaire duberto e que trachis dins li mitan primàri, ié dison polycarpos. Coumpara emé la gnavello-renadivo.

Usanço :
Fai partido dóu group (38 meno) de flour dicho "de Bach". Ramenten que lou mege, Dr Edward Bach (1886-1936), adoubè de poutingo de flour que dèvon "armounisa l'equilibre epsichique de la persouno". La gnavello permetrié de prendre de decisioun. En Poulougno, au siècle passa s'acampavo li babo de vermèu (Coccus Polonicus) que reston sus li racino pèr n'en faire un coulourant rouge.